Osasun emozionala giza ongizatearen funtsezko alderdia da, nahiz eta askotan gutxietsi egiten den osasun fisikoaren aurrean. Baina, biak elkarrekin oso lotuta daude. Osasun emozional ona izateak esan nahi du sentimenduak modu egokian kudeatu ahal izatea, gure emozioak ulertzea eta horiei modu orekatuan erantzutea. Horrek ez du bakarrik besteekiko harremanetan eragiten, baita eguneroko bizitzako erronkei, estresari eta sortzen diren zailtasunei aurre egiteko dugun gaitasunean ere.
Gero eta azkarragoa den mundu honetan, funtsezkoa da presioa kudeatzeko tresna emozionalak izatea. Adimen emozional egokia garatu duten pertsonek erresilientzia handiagoa duten egoera zailak gainditzeko aukera gehiago dituzte, jarrera positiboa mantenduz eta frustrazioan edo etsipenean erori beharrean konponbideak bilatuz.
Ortzadarretik, eta pertsonen osasun mentala eta ongizatea sustatzea helburu duen Osasuna eta Ongizatea GJHrekin bat etorriz, urteak daramatzagu hainbat kolektiborekin lanean helburu hori lortzeko. Adibide bat erakusteko …
Gure HEGALBIZIA proiektuaren bidez, adingabeengana iristen gara, beren burua onartzen eta ezagutzen laguntzeko eta beren osasun emozionala hobetzen laguntzeko trebetasunak eta tresnak emateko.
Gipuzkoako Foru Aldundiko Haur, Nerabe eta Gazteen Arloarekin batera, familiei zuzendutako 20 prestakuntza baino gehiago eman ditugu udaberrian Gipuzkoako hainbat udalerritan, familiak bere adingabeen hazkuntzan duen babesaren garrantzia indartzeko asmoz, oinarrizko ezagutza eta informazioa emanez ondoeza, antsietatea, jazarpena… hautemateko eta identifikatzeko, eta seme-alabei beren bizi-prozesuan laguntzeko tresnak emanez.
Azken batean, osasun emozionalak gure bizitzako alderdi guztietan eragiten du, hasi gainerako pertsonekin dugun harremanetik eta gure gorputza zaintzeko moduetaraino.
