Gaur esperientzia interesgarri hau kontatu nahi dizuegu, eta gainera izugarri gustatzen zaiguna.
Jarduera hori ulertzeko, lehenik eta behin esparrua hartu behar dugu kontuan. VITORIA-GASTEIZ HEZKUNTZA HIRIBIDEAN gaude.
Hiri hezitzaile baten barruan, dena hezitzen da; beraz, garrantzitsua da hezkuntza-eragile eta -espazio guztien parte-hartzea eta konexioa: familia, hezkuntza formala eta hezkuntza ez-formala.
Horretarako, udal Hezkuntza Zerbitzuak eskola-komunitateari zuzendutako hezkuntza-jardueren eskaintza bat egiten du ikasturte bakoitzean, pertsona guztien inplikazioan indarrak batzeko hiriko proiektu komun batean.
Eskaintza horren barruan, gizarte-etxeetako ludoteka eta ludokluben sareak haur eta lehen hezkuntzako ikasleei zuzendutako hezkuntza-jarduerekin laguntzen du, jolasaren bidez hiriaren garapen jasangarriaren helburuak bultzatzen dituztenak.
Astero, eskola-taldeak etortzen zaizkigu, eta haiekin jolasten gara ingurumena zaintzeko, genero-berdintasunerako, euskararen erabilera sustatzeko, arterako, osasunerako, aniztasunean oinarritutako bizikidetzarako edo hiriaren ezagutzarako eta gozamenerako.
– “Azukrearen stop”. Joko horiekin gure eguneroko bizitzan azukrearen kontsumoa zein den jakingo dugu. Ikusiko duzu nolako sustoa!
– “Ikusi-makusi Gasteiz!”.Antzara-joko berezi batek gure hiriko ondare kulturala eta naturala ezagutzen laguntzen digu.
– “Emozioekin jolasean”. Gure maskota den Kirikari bere emozioak identifikatzen eta erregulatzen lagundu beharko diogu.
– “LudoArt”.. Haurrek egunero erakusten digute jolasetik artera urrats bat dagoela.
– “4R”. Jolastu al daiteke zaborrarekin? Bai, posible da eta oso dibertigarria!
– “Detective kirika”.. Misterio bat eta gutun klabe bat. Ez dago motibazio hoberik irakurketa-idazketa lantzeko.
– “Stop bullying, jolastera!”. Bizikidetza eraikitzeko eraikuntza-jolasak.
– “Eman buelta ipuinari”. Haurrek betiko ipuinak berrasmatzen dituzte, rolak eta estereotipoak suntsituz.
Eta jakina, “Zure ludoteka ezagutu”, eta “Zure ludokluba ezagutu”, ezin baikenuen utzi bizitzarako ikaskuntzarik garrantzitsuenetako bat, jolasten ikastea.
