2023ko apirilaren 7an, Osasunaren Mundu Egunaren 75. urteurrena ospatzen da, eta honako hau da OMEk herritarrei helarazi nahi dien mezu nagusietako bat: “bizi-ingurune osasungarriek pertsonen bizitza eralda dezakete”.
Eta ingurune osasungarri horietako bat, nola ez, lan-ingurunea ere izan beharko litzateke, apirilaren 28a baita egun berezia.
Egun honetan Laneko Osasunaren Nazioarteko Eguna ospatzen da, lan-ingurune segurua eta osasungarria sustatzea helburu duena.
Ortzadarretik, daukagun baliorik garrantzitsuena pertsonak direla uste dugu. Hortik dator zure ongizatearekiko interesa, zure lanaren gogobetetze-maila ezagutzeko eta, horrela, zure esperientzia hobetzeko.
Helburu hori bilatzeko eta lortzeko, maiatzetik aurrera, tresna bat jarriko dugu martxan: BLIPOL HR Analytics.
Zaragozako Unibertsitateko Psikologia Fakultatearekin lankidetzan sortutako software-aplikazio bat da, Ortzadarreko langile bakoitzaren esperientzia modu erraz eta jarraituan neurtzeko aukera ematen diguna, esperientziaren egoera definitzen duten ezaugarri desberdinen bitartez. Motibazioa, estresa, ikaskideekiko harremana, zuzeneko arduradunekiko harremana, lan-malgutasuna eta abar.
Informazio hori edukita, jarduteko eta lan-ingurunea hobetzeko aukera izango dugu, eta, horrela, modu parte-hartzailean, profesionalki garatzeko leku bat eraikiko dugu.
